समाचारहरू

शिवराज नगरपालिका–१ की ३५ वर्षीया आशा थारुलाई आफूलाई असयोग गरेको भन्दै राप्रपा तर्फबाट वडा अध्यक्ष पदका उम्मेदवार शिवराज नगरपालिका –१ का ३० वर्षीय राहुल थारुले वैशाख ३१ गते राती कुटपिट गरेका छन् ।

निर्वाचनमा पराजित भएपछि नेकपा एमालेलाई जिताउन समर्थन गरेको भन्दै कुटपिट गर्दा टाउको, आँखा लगायत शरिरका विभिन्न भागमा सामान्य चोट लागेको जिल्ला प्रहरी कार्यालयका डिएसपी जेशी शाहले बताउनु भयो ।

निर्वाचनमा आफू पराजित भएपछि पीडित महिलाले एमालेलाई जिताउन समर्थन जनाएको भन्दै कुटपिट गरेको पीडित पक्षले बताएका छन् ।

पीडितलाई  चन्द्रौटा सञ्जिवनी अस्पतालमा प्राथमिक उपचार पश्चात थप उपचारको लागि मेडिसिटी अस्पताल बुटवलमा  उपचार पछि जेठ १ गते घर फर्किनु भएको छ ।

पीडित पक्षले आरोपित विरूद्ध जेठ १ गते वडा प्रहरी कार्यालय चन्द्रौटामा उजुरी दिएका छन् । आरोपित फरार रहेको र खोजी भइरहेको डिएसपी शाहले बताउनु भयो ।

पार्वती आचार्य