वडाध्यक्ष नहुँदा समस्या भएको भन्दै ज्ञापनपत्र
साकेला गाउँपालिका-४ मात्तिमका स्थानीय लामो समयदेखि वडाध्यक्ष नहुँदा सिफारिस, विकास निर्माण र विभिन्न आयोजनाका काम प्रभावित भएको भन्दै गाउँपालिका अध्यक्षलाई ज्ञापनपत्र बुझाएका छन् ।
साकेला गाउँपालिका-४ का वडाध्यक्ष अर्जुनकुमार कटुवाल अमेरिका गएपछि स्थानीयले वडाध्यक्ष नहुँदा विभिन्न समस्या भएको भन्दै गाउँपालिका अध्यक्षलाई ज्ञापनपत्र बुझाएका हुन् ।
वडाध्यक्ष नहुँदा नागरिकले दुख पाएको, विकासका कार्यहरू रोकिएको र महत्वपूर्ण कार्यहरु प्रभावित भएकाले तत्काल समस्या समाधानका लागि गाउँपालिका अध्यक्षलाई साउन २१ गते ज्ञापनपत्र बुझाएको सोही वडाका पूर्व वडाध्यक्ष कृष्णप्रसाद भट्टराईले बताउनु भयो ।
वडाध्यक्ष अर्जुनकुमार कटुवाल ०८० माघ १७ गते अमेरिका गएको र कार्यवहाक अधिकार वडा सदस्यलाई दिँदा साकेला गाउँपालिका-४ का स्थानीयले सास्ती पाएको पूर्व वडाध्यक्ष कृष्णप्रसाद भट्टराईले बताउनु भयो ।
नागरिकको समस्याप्रति वडाध्यक्ष गैर जिम्मेवार भएकाले आफ्नै संयोजकत्वमा सर्वदलीय वैठक बसि निर्णय गरेर नै ०८१ साउन २१ गते गाउँपालिका अध्यक्ष रवि प्रकाश राईलाई ज्ञापनपत्र बुझाइएको संयोजक भट्टराईले बताउनु भयो ।
वडाध्यक्षका कारण हामी वडावासी अत्यन्तै मारमा परेका छौं, नागरिकताको सिफारिसदेखि विभिन्न विकास निर्माणका कार्यमा समेत नागरिकले दुख पाएकाले १५ दिनभित्र समस्या समाधानका लागि गाउँपालिका अध्यक्षलाई ज्ञापनपत्र बुझाएको संयोजक भट्टराईको भनाइ छ ।
ज्ञापनपत्र बुझ्दै साकेला गाउँपालिका अध्यक्ष रवि प्रकाश राईले साकेला गाउँपालिका-४ वडाका वडाध्यक्षको विषयमा धेरै जनगुनासो आएपछि तत्कालका लागि कार्यपालिका वैठकले निर्णय गरेर कार्यवाहक अध्यक्षको जिम्मेवारी प्रदान गरिएको र दीगो समस्या समाधानका लागि सम्बन्धित निकायसँग समन्वय र सहकार्य गरेर अघि बढ्ने बताउनु भयो ।
नेपालको संविधान, स्थानीय सरकार सञ्चालन ऐन, २०७४ बमोजिम समस्याको समाधान गर्न सम्बन्धित निकायलाई ध्यानाकर्षण गराइएको ज्ञापनपत्रमा उल्लेख छ ।
साकेला गाउँपालिका-४ का स्थानीयले साकेला गाउँपालिकामार्फत जिल्ला समन्वय समितिको कार्यालय, जिल्ला प्रशासन कार्यालय र जिल्ला निर्वाचन कार्यालय खोटाङलाई ज्ञापनपत्र बुझाएका पठाएका छन् ।
स्थानीय तह निर्वाचन ऐन, २०७३ को दफा ३ मा वडाध्यक्षको पदावधि समाप्न नहुँदै निजको पद कुनै कारणले रिक्त भएमा बाँकी पदावधिको लागि निर्वाचन आयोगको परामर्श लिई नेपाल सरकारले तोकेको मितिमा त्यस्तो रिक्त पद उपनिर्वाचनद्वारा पदपूर्ती गरिने उल्लेख छ भने एक वर्षभन्दा कम पदावधि बाँकी रहेको अवस्थामा उपनिर्वाचन नहुने स्पष्ट व्यवस्था समेत गरेको छ ।
तारानाथ फुयल
सम्बन्धित समाचारहरू
हत्या घटनाका आरोपित नन्देभाइ गिरफ्तार
माडी नपा-७ देवेन्द्रपुरकी ७१ वर्षीया विष्णुमाया रानाभाटलाई खुर्पा प्रहार गरी हत्या गरेको आरोपमा प्रहरीले माडी नपा-७ का ६२ वर्षीय नन्देभाइ (नन्दका पति) टीकाराम रानाभाटलाई असोज २६ गते गिरफ्तार गरेको छ…
बलात्कार घटनाका आरोपित गिरफ्तार
अपाङ्गता हुनुभएकी १९ वर्षीया युवतीलाई बलात्कार गरेको आरोपमा चामुण्डाबिन्द्रासैनी नगरपालिका–५, जम्बुकाँधका २१ वर्षीय रमेश सावदलाई प्रहरीले ०८१ असोज २७ गते गिरफ्तार गरेको छ । पीडित युवतीलाई आरोपितले असोज २३ गते…
कोशी प्रदेशमा रहेका अधिकांश बर्थिङ्ग सेण्टर प्रभावकारी छैनन्
बर्थिङ्ग सेण्टर सञ्चालनका लागि प्रसूति गर्ने तालिम प्राप्त कर्मचारीलाई आवासीय व्यवस्थादेखि उपकरणहरु सबै उपलब्ध हुनु पर्छ । तर, कोशी प्रदेशका विभिन्न जिल्लामा रहेका बर्थिङ्ग सेण्टर सुविधा सम्पन्न र प्रभावकारी नभएको…
ज्येष्ठ नागरिकहरू सामाजिक सुरक्षा भत्ताबाट वञ्चित
स्थानीय सरकार सञ्चालन ऐन, २०७४ मा ज्येष्ठ नागरिकहरूको सहारा र गरिबी निवारणका लागि सामाजिक सुरक्षा र गरिबी निवारण सम्बन्धी स्थानीय सामाजिक सुरक्षा योजना र व्यवस्थापनको सुनिश्चित गरिएको छ । तर,…
कोशी प्रदेशका कारागारमा क्षमताभन्दा बढी कैदीबन्दी, सुधारगृह हुन सकेनन् कारागार
अदालत वा न्याय निरूपण गर्ने निकायबाट कसुरदार ठहर भएका व्यक्तिहरूलाई सजायसँगै सुधारका लागि राज्यले कारागारलाई सुधारगृह भनेपनि कोशी प्रदेशका अधिकांश जिल्लाका कारागार सुधारगृहका रूपमा रूपान्तरण हुन सकेका छैनन् । कारागारमा…
