वडाध्यक्षद्वारा प्रहरी कुटिए
अदानचुली गाउँपालिकाको गल्फागाड प्रहरी चौकीमा कार्यरत २८ वर्षीय प्रहरी जवान जीवन चपाईलाई अदानचुली गाउँपालिका–३ का वडाध्यक्ष डिलबहादुर फडेरा र सोही गाउँपालिका–४ का वडाध्यक्ष मनश्रषि पाण्डेले असार २० गते कुटपिट गरेका छन् ।
अदानचुली गाउँपालिका अध्यक्ष मोहनविक्रम सिंहलाई असार २० गते कार्यकक्षमै कुटपिट भएको भन्ने सूचना आए लगतै सोही ठाउँको प्रहरी टोली घटनास्थलतर्फ जाँदैगर्दा बीच बाटोमा वडाध्यक्षद्वयले प्रहरी जवानलाई कुटपिट गरेको सोही प्रहरी चौकीमा कार्यरत असई कुमार गिरीले जानकारी दिनु भएको हो ।
असई गिरीका अनुसार प्रहरी टोली घटनास्थलमा नपुगेको बीचबाटोमै आरोपितले कुटपिट गरेको बताउनु भएको छ । पेटमा चोट लागेका घाइते प्रहरीलाई उपचारका लागि असार २१ गते सुर्खेत लगिएको असई गिरीले बताउनु भएको छ ।
आरोपितलाई हालसम्म नियन्त्रणमा नलिएको र घटनाको थप अनुसन्धानका लागि सदरमुकाम सिमकोटबाट इन्स्पेक्टर दिपक मल्लको टोली घटनास्थलतर्फ गएको डिएसपी भिमलाल भट्टराईले बताउनु भएको छ ।
घटनाका विषयमा गाउँपालिका अध्यक्षसँग सम्पर्क गर्न खोज्दा उहाँसँग यो समाचार तयार गर्दासम्म सम्पर्क हुन सकेन । घटनास्थलमा पुग्न सदरमुकामदेखि दुई दिन लाग्छ ।
नन्द सिंह
सम्बन्धित समाचारहरू
कानुनलाई संशोधन गर्न न्यायपालिकाले ठूलो भूमिका खेलेको छः प्रमुख न्यायाधीश भट्टराई
प्रमुख अतिथि पुनरावेदन अदालत पाटनको हेटौँडा इजलासका प्रमुख न्यायाधीश यमुना भट्टराईले लैङ्गिक हिंसा र असमान कानुनलाई संशोधन गर्न न्यायपालिकाले ठूलो भूमिका खेलेको बताउनु भयो । उहाँले न्याय प्राप्तिको लागि मानव…
मानव अधिकार संरक्षण, सम्बर्धन तथा मर्यादित बनाउन प्रतिबद्ध छौँः कानुनमन्त्री भट्ट
सुदूरपश्चिम प्रदेशका आन्तरिक मामिला तथा कानुनमन्त्री शिवराज भट्टले प्रदेश सरकारले निर्माण गरेको कानुनको कार्यान्वयन गरी मानव अधिकार संरक्षण, सम्बर्धन तथा मर्यादित बनाउन प्रतिबद्ध रहेको बताउनु भएको छ । ७५ औँ…
हत्या घटनाका आरोपित गिरफ्तार
इटहरी उपमहानगरपालिका-१२ की ५० वर्षीया भूमिकाकुमारी चौधरीको हत्या गरेको आरोपमा प्रहरीले सोही ठाउँका २३ वर्षीय गणेश चौधरीलाई मङ्सिर २४ गते गिरफ्तार गरेको छ । भूमिकाका छोरासँग गणेशको विवाद भएको र…
मोरङ कारागारका एक थुनुवाको रहस्यमय मृत्यु, हत्याको आशङ्का
लेटाङ नगरपालिका-४ का ४० वर्षीय केशरबहादुर भुजेलको जिल्ला कारागारमा पुर्पक्षमा रहेको बेला रहस्यमय मृत्यु भएको छ । पीडित पक्षले कुटपिटका कारण भुजेलको मृत्यु भएको आरोप लगाएको छ । कारागार प्रशासनले बिरामी भएका…
दलित भएकै कारण वृद्धाश्रममा नराखेको आरोपमा सञ्चालक समिति अध्यक्ष गिरफ्तार
उर्लावारी नगरपालिका-१ की ६२ वर्षीया ज्येष्ठ नागरिक शोभा सुन्दास(परियार) लाई दलित भएकै कारण विराटनगर महानगरपालिका-१ पुष्पलाल चोकस्थित जागृति वृद्धाश्रमले राख्न अस्वीकार गरेको आरोपमा प्रहरीले वृद्धाश्रम सञ्चालक समिति अध्यक्ष भुवनेश्वरी आर्चायलाई मङ्सिर २४…
