वडाअध्यक्षद्वारा प्रमुख प्रशासकीय अधिकृत माथि हातपात गरेको आरोप

 

चाँगुनारायण नगरपालिका–५ का वडाअध्यक्ष जयन्द्र खडकाले २० गते नगरपालिको कार्यालयमा प्रमुख प्रशासकीय अधिकृत पुण्यप्रसाद लुईटेलमाथि हातपात गरेको पीडित पक्षको आरोप छ ।

वडा अध्यक्ष खडकाले आफ्नो बारीको माटो इँटा भट्टालाई दिन स्वीकृत माग गरेको र प्रमुख प्रशासकीय अधिकृत लुईटेलले प्रक्रिया र नियम नपु¥याई जनप्रतिनिधि नै भएपनि स्वीकृत दिन नमिल्ने बताएपछि आक्रोशित हुँदै हातपात गरेको नगरपालिकाका कर्मचारीहरूले प्रेस विज्ञप्ति जारी गर्दै जानकारी गराएका छन् ।

यसबारेमा प्रशासकीय अधिकृत लुईटेलले वडा अध्यक्ष जयन्द्रले इँटा भट्टालाई माटो दिन स्वीकृत माग गर्दै आएको र आफूले नगर कार्यपालिकाको निर्णय बिना सिफारिश गर्न नमिल्ने जानकारी गराएपछि अभद्र व्यावहार गरेको बताए । मङ्सिर २१गते कर्मचारीहरूले आन्दोलन गर्दै कामकाज ठप्प पारेका छन् ।


सविना केसी