लेखा समितिको सभापतिमा सत्तापक्षकै सांसद निर्वाचित

व्यवस्थापिका संसद अन्तर्गतको सार्वजनिक लेखा समितिको सभापतिमा सत्तापक्षकै सांसद डोरप्रसाद उपाध्याय निर्वाचित भएका छन् ।

समितिको सभापतिका लागि माघ १७ गते भएको निर्वाचनमा एमाले सांसद पशुपति चौलागाईंको भन्दा सात मत बढी ल्याएर सत्तापक्षीय गठबन्धनका उम्मेदवार डोरप्रसाद उपाध्याय निर्वाचत भएका हुन् ।

निर्वाचत उपाध्यायले ३९ मतमध्ये २३ मत प्राप्त गरेका थिए भने चौलगाईले १६ मत प्राप्त गरेका थिए । उपाध्याय निर्वाचत भएपछि करिव सात महिनादेखि रिक्त रहेको लेखा समिति सभापतिको पदले पूर्णता पाएको छ । सामान्यतया सार्वजनिक लेखा समितिको सभापति प्रतिपक्षीको संसदलाई बनाउने संसदीय परम्परा रहेकोमा सो अनुसार हुन नसकेको प्रतिपक्षी सांसदहरूले आरोप लगाए ।

सञ्चारकर्मीसँग कुराकानी गर्दै नवनिर्वाचित सभापति उपाध्यायले कुनै दल विशेषको उम्मेवार भएपनि काम गर्दा दलीय छाँयाभन्दा माथि उठेर काम गर्ने प्रतिबद्धता जनाएका छन् ।


विवेक ढुङ्गाना