राहत वितरणमा अनियमिता भएको आरोपमा वडा कार्यालयमा तालाबन्दी

  ०८१ कात्तिक ८ गते

राहत वितरणमा अनियमितता भएको आरोपमा भोक्राहा नर्सिङ गाउँपालिका-४ का बाढी पीडितले वडा कार्यालयमा तालाबन्दी गरेपछि अन्य सेवाग्राहीलाई समस्या भएको छ ।

भोक्राहा नर्सिङ गाउँपालिका-४ का बाढी पीडितले राहत वितरणमा अनियमितता भएको आरोपमा ०८१ कात्तिक ६ गतेदेखि तालाबन्दी गरेपछि अरू सेवाग्राही सरकारी सेवाबाट वञ्चित हुनु परेको छ ।

नाराबाजीसहित बाढी पीडितहरूका लागि राहतको नाममा भ्रष्टाचार भएको र वास्तविक पीडितलाई नदिइ गैरपीडित, पहुँचवालालाई राहत वितरण गरिएको बाढी प्रभावितहरूको आरोप छ ।

बाढी प्रभावितहरूले वडा कार्यालयमा तालाबन्दी गरेपछि वडाका अन्य नागरिक सरकारी सेवाबाट वञ्चित हुनु परेको भोक्राहा नरसिंह गाउँपालिका-४ का स्थानीय सब्बीर आलमले बताउनु भयो ।

वडा कार्यालयमा तालाबन्दी गरेपछि वडा कार्यालयले प्रवाह गर्ने सिफारिस, व्यक्तिगत घटना दर्ता लगायतका सरकारी सेवा प्रभावित भएका छन् ।

भोक्राहा नरसिंह गाउँपालिका-४ का वडाध्यक्ष हारून अञ्सारीले छलफल र सम्वादका माध्यमबाट समस्या समाधान गर्न आग्रह गर्नु भएको छ । वडाध्यक्ष अञ्सारीले वास्तविक बाढी प्रभावितहरूलाई राहत वितरण गरिएको र राहत वितरणमा कुनै झेल नभएको बताउनु भयो ।

राहत वितरणमा झेल भएको आरोपमा भोक्राहा नरसिंह गाउँपालिका-२ मा समेत बाढी प्रभावितहरूले वडा कार्यालयमा तालाबन्दी कात्तिक ७ गतेदेखि खुलेको छ ।

भोक्राहा नर्सिङ गाउँपालिका-७ वडा कार्यालयमा बाढी प्रभावितहरूले कात्तिक २ गते लगाएको ताला एकसातायता खुल्न सकेको छैन् ।


जयकृष्ण यादव