राष्ट्रिय सभा निर्वाचन इन्सेक मधेश प्रदेशद्वारा अनुगमन

  ०७८ माघ १२ गते

राष्ट्रिय सभाका दुई सदस्यका लागि माघ १२ गते मधेश प्रदेश जनकपुरधाममा सम्पन्न निर्वाचनको अनौपचारिक क्षेत्र सेवा केन्द्र (इन्सेक) मधेश प्रदेश कार्यालयले पर्यवेक्षण गरेको छ ।

 

जनमत पार्टीको विरोध र अवरोधका बिच कडा सुरक्षा र कोभिड भाइरसको तेश्रो लहरलाई मध्यनजर गर्दै सुरक्षित तवरले राष्ट्रिय सभा सदस्य निर्वाचन सम्पन्न भएको छ ।

 

मधेश प्रदेशमा ३ सय ७२ जना कुल मतदाता रहेकोमा ३ सय ६६ जनाले मतदान गरेको र पाँच जना अनुपस्थित भएको निर्वाचन अधिकृत पुष्पा झाले बताउनु भयो ।

 

जिल्ला प्रहरी कार्यालय अगाडि महेन्द्रनारायण स्मृति भवनमा बिहान साढे १० बजेदेखि सुरु भएको मतदान दिउँसो ३ बजे सम्पन्न भएको निर्वाचन अधिकृत झाले बताउनु भयो ।

 

मधेस प्रदेशमा २ सय ६८ जना स्थानीय तहका मतदाता रहेकोमा १ सय ३२ पुरुष र १ सय ३२ महिलाले मतदान गरेका हुन् । प्रदेश सभाका १ सय २ सदस्यले मतदान गरेका हुन् ।


दिपेन्द्रप्रसाद सिंह