समाचारहरू

राष्ट्रिय मानव अधिकार आयोगको टोलीले ओखलढुङ्गा र खोटाङमा नागरिकलाई दिइने सेवाको प्रभावकारिताबारे अनुगमन गरेको छ । आयोगका सचिव वेदप्रसाद भट्टराई र उप निर्देशक टिकाराम भट्टराईसहितको टोलीले अनुगमन गरेको हो ।

टोलीले हवाइ सेवाको अवस्था, औषधि तथा स्वास्थ्य सेवा र भूकम्प पीडितले प्राप्त गर्नु पर्ने सेवा प्रवाहको अवस्थाका बारेमा माघ २२ र २३ गते अनुगमन गरेको आयोगको उपक्षेत्रीय कार्यालय खोटाङका प्रमुख दिपक घिमिरेले जानकारी दिए । उनका अनुसार अनुगमनका क्रममा सरकारी निकाय र सञ्चारकर्मी तथा अधिकारकर्मीसँग अन्तक्रिया गरिएको थियो ।

ओखलढुङ्गा तथा खोटाङको हवाइ सेवा प्रभावकारी नभएको, विमानस्थल हुँदा पनि नागरिकले सेवा नभएको भन्दै आयोगले खोटाङको जिल्ला प्रशासन कार्यालयलाई भने लिखित निर्देशन समेत दिएको छ ।

त्यस्तै ओखलढुङ्गामा भूकम्प प्रभावितहरू अझै पनि अस्थायी टहरामा बस्नु पर्ने बाध्यता रहेको, अनुदान अझै पाइनसकेको, पाउनु पर्ने व्यक्तिको नाम सूचीमै नरहेको जस्ता समस्याका विषयमा राष्ट्रिय पुनः निर्माण प्राधिकरणलाई सचेत गर्राईने आयोगका सचिव वेदप्रासद भट्टराईले जानकारी दिए ।

आयोगले भूकम्प पीडित र समग्र मानव अधिकारको अवस्थाबारे ओखलढुङ्गामा अनुगमन गर्दै आएको छ ।

शिवप्रसाद ढुङ्गाना