समाचारहरू

राष्ट्रिय मानव अधिकार आयोगको टोलीले कालिकोट, जुम्ला र मुगुमा निर्वाचन पूर्वको मानव अधिकार अवस्थाका विषयमा अनुगमन सुरु गरेको छ ।

आयोगका सदस्य गोविन्द शर्मा पौड्यालको नेतृत्वमा केन्द्रीय कार्यालयका योजना अधिकृत डा. टिकाराम पोखरेल, मानव अधिकार अधिकृत घनश्याम भण्डारी, उपक्षेत्रीय कार्यालय जुम्लाका नासु राजेन्द्र न्यौपानेलगायतको टोलीले चैत २१ गते कालिकोट जिल्लामा निर्वाचन पूर्व मानव अधिकारको अवस्थाका विषयमा अधिकारकर्मी, पत्रकार र नागरिक समाज लगायतसँग जानकारी लिएको छ ।

सरकारद्वारा वैशाख ३१ गते तोकिएको स्थानीय तहको निर्वाचन पूर्व राजनीतिक दल र दलका भातृ सङ्गठनका गतिविधिले मानव अधिकारमा पर्न सक्ने प्रभाव, बालबालिकाको प्रयोगलगायतका विषयमा जानकारी लिन अनुगमन सुरु गरिएको आयोगले जनाएको छ ।

कालीबहादुर मल्ल