समाचारहरू

रामराजा मोहविक्रम साह बहुमुखी क्याम्पसका प्रमुख आदर्शकोतवाल गाउँपालिका-२ खजुरिया टोलका ४८ वर्षीय हरिभुषण कुशवाहालाई ०८१ जेठ ३२ गते बेलुका पाँच बजे बतरा र मटियानी टोलस्थित बीच सडक खण्डमा गोली प्रहार गरी हत्या गरेको आरोपमा मृतकका छिमेकी दुई जना १५ वर्षीय बालकसहित सात जनालाई खजुरीया टोलबाट असार १ गते जिल्ला प्रहरी कार्यालयले गिरफ्तार गरेको छ ।

कुशवाहाको हत्यामा संलग्न रहेको आशङ्कामा सात जनालाई गिरफ्तार गरी अनुसन्धान गरिरहेकाले आरोपितहरूको नाम सार्वजनिक नगरेको जिल्ला प्रहरी कार्यालयका डिएसपी दधिराम न्यौपानेले इन्सेकका बारा जिल्ला प्रतिनिधिलाई जानकारी दिनु भयो । उहाँले जेठ ३२ गते गोली प्रहार भएपछि पीडितलाई उपचारको लागि वीरगंजस्थित बयोदा अस्पताल लगिएकोमा उपचारको क्रममा चिकित्सकले मृत घोषणा गरेको बताउनु भयो ।

कुशवाहले गत निर्वाचनमा वडा नं २ का वडा अध्यक्षलाई सहयोग गरेको भन्दै आरोपितले पटक पटक ज्यान मार्ने धम्की दिएको र ज्यान मार्ने प्रयास गरेको आरोपमा एक वर्ष अगाडि मृतकले जिल्ला प्रहरी कार्यालयमा उजुरी दिएको पीडीत पक्षले बताउनु भयो ।

भोलानाथ पौडेल