समाचारहरू

जिल्लाका राजनीतिक दलले निर्वाचन आयोगले जारी गरेको निर्वाचन आचारसंहिता उल्लङ्घन गर्दै चुनावी प्रचार अभियान जारी राखेका छन् ।

निर्वाचन आयोगले मतदानको १७ दिन अघिदेखि मात्र जुलुस, आमसभा र घरदैलो गर्न पाउने आचारसंहिता बनाएको भए पनि जिल्लामा गठबन्धनमा रहेका नेपाली कांग्रेस र नेकपा माओवादी केन्द्रले ०७९ असोज ३० गतेबाट नै संयुक्त रूपमा जुलुस, सभा र घर दैलो कार्यक्रम गरिरहेका छन् । गठबन्धन दल र उम्मेदवारहरू गाउँ गाउँमा चुनावी सभा तथा घरदैलोमा छन् ।

यसै गरी नेकपा एमालेले पनि असोज २८ गते देखिनै चुनावी कार्यक्रम सुरु गरिसकेको छ । एमालेका प्रतिनिधि सभा तथा प्रदेश सभाका उम्मेदवारहरू घरदैलो, टोल भेला, सभा तथा मतदाताको घरदैलो कार्यक्रममा छन् ।

यो सबै सूचना भए पनि जिल्ला निर्वाचन कार्यालय निर्वाचन अयोगले कुनै कारबाहीको प्रक्रिया अघि बढाएको छैन । राजनीतिक दलले चुनावी कार्यक्रमको तालिका नै बनाएर प्रचार अभियान सञ्चालन गरेका छन् ।

नवराज पथिक