राजनीतिक दलका प्रतिनिधिहरूद्वारा बालबालिकाहरूको प्रयोग नगर्ने प्रतिबद्धता
राजनीतिक दलका प्रतिनिधिहरूले स्थानीय तह निर्वाचानमा बालबालिकाहरूको प्रयोग नगर्ने प्रतिबद्धता जनाएका छन् ।
सिजप, इन्सेक, सिविन र स्याक नेपालको आयोजना तथा राष्ट्रिय मानव अधिकार आयोगको नेपालगञ्जको समन्वयमा वैशाख १४ गते आयोजित स्थानीय तहको निर्वाचन र बालबालिकाका सवाल विषयक अन्तरक्रिया कार्यक्रममा राजनीतिक दलका प्रतिनिधिहरूले उक्त प्रतिबद्धता जनाएका हुन् ।
कार्यक्रममा सिजपका अध्यक्ष राजेश शर्माले स्थानीय निर्वाचनमा बालबालिकाको प्रयोग गर्न नहुने बताउनु भयो । शर्माले बाल अधिकार, निर्वाचन आचार संहिता, बालबालिका सम्बन्धी ऐन २०७५का विषयमा प्रस्तुती गर्नु भयो ।
राष्ट्रिय मानव अधिकार आयोग नेपालगञ्ज प्रमुख झङ्करबहादुर रावलले कुनै पनि बहानामा बालबालिलाई प्रयोग गर्न नहुने बताउनु भयो ।
नेपाली कांग्रेसका जिल्ला सचिव सुधान्सु कोइराला, नेकपा समाजवादीका रामजी पाठक, जसपाका अरुण सिंहलगायतले बालबालिका काँचो माटो भएकाले उनीहरूलाई स्थानीय तह निर्वाचनमा प्रयोग नगर्ने प्रतिबद्ध्ता जनाएका थिए ।
स्याक नेपालका शिवलाल पाण्डेले विगतमा निर्वाचनमा दलहरू बालबालिकाहरूको प्रयोग गर्ने गरेको पाइएको बताउदै यसलाई रोक्न राजनीतिक दलहरूकै मुख्य भूमिका खेल्नु पर्ने बताउनु भयो ।
यसैगरी सिविन नेपालगञ्जका प्रमुख सिद्दराज पनेरुले राजनीतिक दलहरूको इच्छा शक्ति भए बालबालिकाको प्रयोगलाई रोक्न सकिने बताउनु भयो ।
इन्सेक लुम्बिनी प्रदेश कार्यालय, नेपालगञ्ज
सम्बन्धित समाचारहरू
चिकित्सक कुटपिट घटनाका आरोपित गिरफ्तार
सिनामङ्गलस्थित काठमाडौँ मेडिकल कलेजका इन्टर्न डा. मनिष खड्कामाथि कुटपिट गरेको आरोपमा काठमाडौँ महानगरपालिका-९, सिनामङ्गलका ३४ वर्षीय सरोज गौतम र गुल्मी घर भइ काठमाडौँ महानगरपालिका-७, चाबहिल बस्ने २२ वर्षीय रूपक गौतमलाई…
ज्येष्ठ नागरिकको अधिकारको सुनिश्चित गर्न आयोगको आग्रह
राष्ट्रिय मानव अधिकार आयोगले सरकार तथा सरोकारवाला निकायलाई ज्येष्ठ नागरिकहरूको अधिकार सुनिश्चित गर्न आग्रह गरेको छ । आयोगका प्रवक्ता डा. टीकाराम पोखरेलले ०८० असोज १४ गते विज्ञप्ति जारी गर्दै बदलिँदो…
न्यायका लागि पहल गरिदिन बेपत्ता पारिएका व्यक्तिका परिवारद्वारा इन्सेकसमक्ष आग्रह
साबिक पिपलडाडाँ गाविस-२ हाल चौतारा सागाचोकगढी नगरपालिका-६ की सीता बस्नेतले बेपत्ता पतिको न्यायका लागि पहल गरिदिन ०८० असोज १४ गते इन्सेकसमक्ष आग्रह गर्नुभएको छ । सीता बस्नेतकी पति कृष्णबहादुर बस्नेत…
बलात्कार घटनाका आरोपित गिरफ्तार
पाँच वर्षीया बालिकालाई बलात्कार गरेको आरोपमा प्रहरीले जन्तेढुङ्गा गाउँपालिका-६ दिप्लुङका २४ वर्षीय ट्वाँके माइला भनिने राजु राईलाई असोज १३ गते गिरफ्तार गरेको छ । पीडित बालिकालाई आरोपितले ०८० असोज १३…
बालकको मृत्यु शंकास्पद भन्दै आफन्तद्वारा कारबाहीको माग
वीरेन्द्रनगर नगरपालिका– ६ को मुख्य बजार क्षेत्रमा रहेको उषा बालवाटिका माध्यमिक विद्यालयको होस्टेलमा आठ वर्षीय बालक झुण्डिएको अवस्थामा मृत भेटिएपछि आफन्तले दोषीलाई कारबाहीको माग गरेका छन् । स्कुलको घण्टाघर नजिककै…
