रसुवाका ३५ प्रतिशत नागरिक मात्र बीमाको पहुँचमा 

  ०८१ पुस २९ गते

गुणस्तरीय स्वास्थ्य सेवाको पहुँच र उपयोगमा सुधार ल्याई स्वास्थ्य बीमाको आधारमा सबैका लागि स्वास्थ्य सेवा सुनिश्चित गर्ने उद्देश्यले सरकारले ल्याएको सामाजिक शुरक्षाको महत्वपूर्ण कार्यक्रम स्वास्थ्य बीमा २०७२ देखि लागू भएपनि यस वर्ष ३५ प्रतिशत नागरिकले मात्र स्वास्थ्य बीमा सेवा लिएका छन् ।

स्थानीय सरकारले स्वास्थ्य बीमाबारे सचेतनामुलक कार्यक्रम गर्न नसकेकोले बीमा प्रति नागरिक आकर्षण नभएको गुनासो छ ।

स्वास्थ्य बीमा बोर्डले समस्त नेपाली नागरिकलाई सर्वसुलभ गुणस्तरीय स्वास्थ्य सेवा प्रदान गर्ने र स्वास्थ्य सेवा उपभोगमा सुधार ल्याउनका लागि सामाजिक स्वास्थ्य बीमाको आधारमा सबैका लागि स्वास्थ्य सेवा सुनिश्चित गर्न कार्यक्रम सुरु भएको हो ।

जिल्लाको कुल जनसङ्ख्या ४६ हजार ६ सय ८९ रहेको जनगणना २०७८ को प्रतिवेदनले देखाएको छ । स्वास्थ्य बीमा बोर्ड रसुवाकी सृष्टि श्रेष्ठका अनुसार जिल्लाको उत्तरगया गाउँपालिकामा २ हजार ९ सय ५८, कालिका गाउँपालिकामा १ हजार १ सय १३, नौकुण्डमा ९ सय ८६, गोसाइकुण्ड गाउँपालिकामा ८ सय ७० र आमाछोदिङमो गाउँपालिकामा ५ सय ८२ जना गरी जिल्ला भर कुल १६ हजार ९ सय ८९ जनाले स्वास्थ्य बिमा गरेका छन् ।


हेमनाथ खतिवडा