यौन दुर्व्यवहार घटनाका आरोपित गिरफ्तार

  ०७८ पुस २८ गते

१४ वर्षीया बालिकालाई यौन दुर्व्यवहार गरेको आरोपमा प्रहरीले सम्मरीमाई गाउँपालिका–६ त्रिभेणीया टोलका २१ वर्षीय प्रदिप केवटलाई पुस २६ गते घरबाटै गिरफ्तार गर्‍यो ।

पीडित बालिकालाई आरोपितले भदौ २९ गते यौन दुर्व्यवहार गरेको भनी पीडितले पुस २६ गते बाबुको सहयोगमा इलाका प्रहरी कार्यालय मर्चवारमा जबरजस्ती करणी उद्योगसम्बन्धी कसुरमा उजुरी दिनुभयो ।

पीडित पक्षले दिएको उजुरीका आधारमा कारवाही अगाडि बढाइएको इलाका प्रहरी कार्यालय मर्चवारका इन्सपेक्टर तेजबहादुर खत्रीले फोनमार्फत बताउनुभयो ।

पीडितको स्वास्थ्य परीक्षण पुस १३ गते नै भिम अस्पताल भैरहवामा गरिएको प्रहरीले जनायो ।


रीमा बिसी