यौन दुर्व्यवहार प्रयास घटनाका आरोपित गिरफ्तार

  २०८१ जेठ १२

१५ र १६ वर्षीया बालिकालाई यौन दुर्व्यवहार प्रयास गरेको आरोपमा प्रहरीले फुङलिङ नगरपालिका-१० फुरुम्बूका २० वर्षीय विक्रम तामाङलाई गिरफ्तार गरेको छ ।

विद्यालयबाट घर फर्किदै गरेका बालिकालाई ०८१ जेठ ९ गते यौन दुर्व्यवहार प्रयास गरेको आरोपमा तामाङलाई अनुसन्धानका लागि जेठ ९ गते गिरफ्तार गरेको जिल्ला प्रहरी कार्यालयका इन्स्पेक्टर कमलकुमार लुङ्गेलीले बताउनु भयो ।

आरोपितविरुद्ध पीडित पक्षले जेठ ११ गते जिल्ला प्रहरी कार्यालयमा उजुरी दिएको छ ।

पीडित बालिकाको स्वास्थ्य परीक्षण जिल्ला अस्पतालमा जेठ ११ गते गरिएको छ ।


एलिना दियाली