यौन दुर्व्यवहार घटनामा दोषी ठहर बालकको सजाय स्थगित

  ०७३ कात्तिक २५ गते

सात वर्षीया एक बालिकालाई यौन दुर्व्यवहार गरेको घटनाका दोषी ठहर गरिएका १३ वर्षीय बालकलाई जिल्ला अदालत दाङले अभियोगमा दोषी ठहर गर्दै फैसला गरेको एक महिना कैद सजाय स्थगित गरेको जनाएको छ ।

न्यायाधीश बलभद्र बास्तोलाको इजलासले कात्तिक २४ गते बालकलाई दोषी ठहर गर्दै कैद गर्ने फैसला गरेपनि आरोपित नाबालक भएकोले कैद स्थगित गरिएको अदालतका श्रेष्तेदार गम्भीर रानाले जानकारी दिए ।

पीडित बालिकालाई आरोपितले कात्तिक ११ गते यौन दुर्व्यवहार गरेको आरोपमा पीडित पक्षले कात्तिक ११ गते नै प्रहरीमा उजुरी दिएको थियो ।

पीडित बालिकाका अभिभावकको उजुरीपछि प्रहरीले कात्तिक ११ गते आरोपितलाई गिरफ्तार गरेको थियो ।

पीडित बालिकाको स्वास्थ्य परीक्षण सोही दिन जिल्ला अस्पताल दाङमा गरिएको प्रहरीले जनाएको छ ।


जे.एन.सागर