यौन दुर्व्यवहार घटनाको उजुरी दर्ता, आरोपित फरार

 

१५ वर्षीया बालिकालाई यौन दुर्व्यवहार गरेको आरोपमा १४ वर्षीय एक, १६ वर्षीय दुई र १७ वर्षीय एक बालककाविरुद्ध पीडित पक्षले वैशाख २४ गते जिल्ला प्रहरी कार्यालयमा उजुरी दिएको छ ।

पीडित बालिकालाई आरोपितहरूले वैशाख २२ गते यौन दुर्व्यवहार गरेको र आफू चिच्याएपछि उद्धारका लागि आएका पीडितका दाजुलाई समेत कुटपिट गरेको पीडित बालिकाले आरोप लगाएकी छन् । पीडित बालिकाको जिल्ला अस्पतालमा वैशाख २४ गते स्वास्थ्य परीक्षण भएको छ ।

बहिनीलाई बचाउन गएका दाइको टाउको र अनुहारमा चोट लागेको थियो । उनको टाउको र अनुहारमा आठ वटा टाँका लगाइएको छ । घाइतेको प्रारम्भिक उपचार जिल्ला अस्पतालमा भएको थियो भने थप उपचारका लागि वैशाख २३ गते जिल्ला अस्पतालले नेपालगञ्ज रिफर गरेको पीडित परिवारले जनायो । घटनापछि फरार आरोपितको खोजी भइरहेको जिल्ला प्रहरी कार्यालयका डिएसपी भिमकिरण बोगटीले बताए ।


जीवन सेजुवाल