यौन दुर्व्यवहार घटनाको उजुरी दर्ता

१५ वर्षीया बालिकालाई यौन दुर्व्यवहार गरेका आरोपित कर्जन्हा नगरपालिका–४ का २२ वर्षीय सुशील सदा विरुद्धको उजुरी इलाका प्रहरी कार्यालय मिर्चैयाले भदौ २६ गते दर्ता गरेको छ ।

आरोपितले पीडितलाई भदौ १४ गते यौन दुर्व्यवहार गरेको आरोपमा भदौ १५ गते इलाका प्रहरी कार्यालय मिर्चैयामा उजुरी दिएको पीडितकी आमाले बताइन् । पीडितको स्वास्थ्य परीक्षण सोही दिन प्रादेशिक अस्पताल सिरहामा भएको थियो ।

इलाका प्रहरी कार्यालय मिर्चैयाका डिएसपी जितेन्द्र बस्नेतका अनुसार घटनाको अनुसन्धान गरी मुद्दा दर्ता गरेको हो । आरोपित फरार रहेकोले खोज तलास भइरहेको डिएसपी बस्नेतले बताउनु भयो ।


दुर्गा परियार