समाचारहरू

१३ वर्षीय बालिकालाई यौन दुर्व्यवहार गरी फरार रहेका आरोपित भिमदत्तगरपालिका–१५ निम्बुखेडाका २३ वर्षीय विशाल चन्द विरुद्ध पीडित पक्षले जेठ १० जिल्ला प्रहरी कार्यालयमा उजुरी दिएका छन् ।

पीडित बालिका आफ्नो कोठामा पढिरहेको बेला आरोपितले जेठ १० गते दिउँसो काम छ भनेर कोठामा बोलाइ यौन दुर्व्यवहार गरेकोले आरोपित विरुद्ध जिल्ला प्रहरी कार्यालयमा उजुरी दिएको पीडितकी आमाले इन्सेक प्रतिनिधिसँगको फोन सम्पर्कमा बताउनु भयो ।

यौन दुर्व्यवहार गरिरहेको बेलामा बालिकाले रोइकराइ गरेपछि आरोपितले डरत्रास र धम्की दिएर ढोकाखोलेपछि बािलका भाग्न सफल भएकी र आरोपित पनि फरार रहेका पीडितकी आमाले बताउनु भयो ।

पीडित पक्षले दिएको उजुरीका आधारमा पक्राउपुर्जी जारी गरेर फरार आरोपतको खोजी कार्य भइरहेको जिल्ला प्रहरी कार्यालयका डिएसपी प्रकाश डाँगीले इन्सेक प्रतिनिधिसँगको फोन सम्पर्कमा बताउनु भयो ।

पीडित बालिकाको स्वास्थ्य परीक्षण जेठ १० गते महाकाली प्रादेशिक अस्पतालमा गरिएको छ ।

लिली कुँवर