यौन दुर्व्यवहार घटनाका आरोपितहरू गिरफ्तार

  ०८० मङ्सिर २३ गते

१४ वर्षीया दुई जना बालिकालाई यौन दुर्व्यवहार गरेको आरोपमा इन्द्रावती गाउँपालिका-६ घरभई श्री कमला देवी माविका शिक्षक ४५ वर्षीय सुरेन्द्र कोइराला र सोही विद्यालयका शिक्षक ४९ वर्षीय कविराज पौड्याललाई प्रहरीले ०८० मङ्सिर २२ गते विद्यालयबाट गिरफ्तार गरेको छ ।

पीडितहरूलाई आरोपितहरूले मङ्सिर १९ गते यौन दुर्व्यवहार गरेको पीडित पक्षको आरोप छ । यसअघि अरु बालिकाहरूलाई पनि पटक पटक आरोपित शिक्षकहरूले यौन दुर्व्यवहार गर्दै आएको पीडित बालिकाहरूको भनाई छ ।

पीडित बालिकाहरू सोही विद्यालयको छात्रवासमा बसेर अध्ययन गर्दै आएको इन्द्रावती गाउँपालिका-६ का वडा अध्यक्ष इन्द्रबहादुर तमाङले बताउनु भयो ।

घटनाका पीडित बालिकाहरूले मङ्सिर २२ गते इन्सेकको सहयोगमा जिल्ला प्रहरी कार्यालयमा उजुरी दिएका छन् । पीडित बालिकाहरूको स्वास्थ्य परीक्षण मङ्सिर २२ गते चौतारा अस्पतालमा भयो ।


नातिबावु धिताल