यौन दुर्व्यवहार घटनाका आरोपित गिरफ्तार

  ०८१ जेठ ३० गते

आठ र १२ वर्षीया बालिकालाई यौन दुर्व्यवहार गरेको आरोपमा प्रहरीले बनेपा नपा–११ का २४ वर्षीय खेमबहादुर नेपालीलाई ०८१ जेठ २९ गते गिरफ्तार गरेको छ ।

 पीडितलाई आरोपितले जेठ २३ गते यौन दुर्व्यवहार गरेको भन्दै पीडित पक्षले जेठ २४ गते इलाका प्रहरी कार्यालय, बनेपामा उजुरी दिएको थिए ।

 पीडितलाई आरोपितले धनेश्वर मन्दिर परिसरमा दुर्व्यवहार गरेको उजुरीका आधारमा गिरफ्तार गरी थप अनुसन्धान भइरहेको इलाका प्रहरी कार्यालय, बनेपाका डिएसपी लालध्वज सुवेदीले बताउनु भयो ।

 पीडितहरूको स्वास्थ्य परीक्षण जेठ २४ गते धुलिखेल अस्पतालमा गरिएको छ ।


सुमित्रा आचार्य