समाचारहरू

१५ वर्षीया बालिकालाई यौन दुर्व्यवहार गरेको आरोपमा प्रहरीले भीमदत्त नगरपालिका–१० जिमुवास्थित सिद्धनाथ माध्यमिक विद्यालयमा कार्यरत २९ वर्षीय शिक्षक बिरेन्द्रप्रसाद जोशीलाई भदाै ३ गते गिरफ्तार गरेको छ ।

बलिकामाथि यौन दुर्व्यवहार गरेको भन्दै विरोधमा उत्रिएका आक्रोसित विद्यार्थी र पीडित पक्षले भदाै ३ गते विद्यालय परिसर भित्रै आरोपित जोशीलाई कुटपिट गरी घाइते बनाएका थिए ।

कुटपिटबाट टाउँकोमा चोट लागि घाइते हुनु भएका जोशीको महाकालि प्रादेशिक अस्पतालमा उपचार हुन नसकेपछि धनगढीस्थित निसर्ग अस्पतालको आइसियू कक्षमा राखेर उपचार भइरहेको जिल्ला प्रहरी कार्यालय, कञ्चनपुरका इन्स्पेक्टर हर्षबहादुर चन्दले बताउनु भयो ।

शिक्षक जोशीले साउन ३१ गते यौन दुर्व्यवहारको प्रयास गरेको पीडित बालिकाको आरोप छ । बालिकालाई यौन दुर्व्यवहार गरेको आरोपमा पीडित पक्षले आरोपित विरुद्ध साउन ४ गते जिल्ला प्रहरी कार्यालयमा उजुरी समेत दिनु भएकोले घटनाको थप अनुसन्धान भइरहेको इन्स्पेक्टर चन्दले बताउनु भयो ।

विद्यालय सञ्चालनको समयमा भिडभाड बढी भएकोले सिडिमा चढ्दै गर्दा शिक्षक जोशीको कुहिनो बालिकाको शरीरमा ठोकिएको र यौन दुर्व्यवहार नभएको विद्यालयका प्रधानध्यापक कृष्णसिंह बोहराले बताउनु भयो ।

शिक्षक जोशीको चलित्र हत्या गर्ने कार्य भएको र विद्यालय परिसर भित्रै प्रवेश गरेर शिक्षक जोशीलाई कुटपिट समेत गरिएको भन्दै घटनामा संलग्नहरुलाई कारबाहीको मागराखि विद्यालय प्रशासनले साउन ४ गते प्रेश विज्ञप्ति जारी गरेको छ ।

लिली कुँवर