समाचारहरू

दुई वर्षीया बालिकालाई फागुन १२ गते यौन दुर्व्यवहार गरेको आरोपमा प्रहरीले खप्तडछान्ना गाउँपालिकाका ६८ वर्षीय पुरुषलाई फागुन १५ गते आरोपितकै घरबाट गिरफ्तार गरेको छ ।

बालिकालाई यौन दुर्व्यवहार गरेको भन्दै पीडितकी आमले फागनु १४ गते उजुरी दिएपछि आरोपितलाई गिरफ्तार गरी अनुसन्धान भइरहेको जिल्ला प्रहरी कार्यालयका डिएसपी जागेश्वर भण्डारीले इन्सेक प्रतिनिधिसँगको फोन सम्पर्कमा बताउनु भयो ।

फागुन १२ गते साँझ आफू घरबाट टाँढा रहेको धारामा भाँडा धुन गएको अवस्थामा बालिकामाथि यौन दुर्व्यवहार भएको पीडित बालिकाकी आमाले इन्सेक प्रतिनिधिसँगको फोन सम्पर्कमा बताउनु भयो ।

भाँडा धोएर घर फर्किंदा आरोेपितले बालिकालाई काँखमा राखेर यौन दुर्व्यवहार गरिरहेको अवस्थामा देखेपछि बालिकालाई आरोपितको काँखबाट खोसेको पीडित बालिकाकी आमाको भनाइ रहेको छ ।

घटना लगत्तै स्थानीयहरुलाई जानकारी गराएको र आरोपित पक्षले घटना गाउँमै मिलाउन समेत दवाप दिएको पीडितकी आमाले बताउनु भयो ।

पीडित बालिकाको स्वास्थ्य परीक्षण फागुन १४ गते जिल्ला अस्पताल, सिमखेतमा गरिएको डिएसपी भण्डारीले बताउनु भयो ।

पीडित बालिका र बालिकाकी आमालाई हाल सदरमुकामस्थित अल्पकालिन महिला सुरक्षा आवास गृहको संरक्षणमा राखिएको छ । घटनाका आरोपित बालिकाकै नातेदार पर्ने समेत प्रहरीले जनाएको छ ।

सत्यराज सिंह