यौन दुर्व्यवहार घटनाका आरोपित गिरफ्तार

 

६ वर्षीया बालिकालाई यौन दुर्व्यवहार गरेको आरोपमा प्रहरीले धनकुटा नगरपालिका–४ स्कुलडाँडाका २० वर्षीय प्रकाश रोक्कालाई पुस २५ गते गिरफ्तार गरेको छ ।

पीडित बालिकालाई आरोपितले पुस २३ गते यौन दुर्व्यवहार गरेको आरोपमा पीडित पक्षले आरोपितविरूद्ध पुस २४ गते जिल्ला प्रहरी कार्यालयमा उजुरी दिएको थियो ।

बालिकालाई यौन दुर्व्यवहार गरेको देखेपछि प्रहरीमा उजुरी दिएको पीडित बालिकाका बाबुले इन्सेक प्रतिनिधिसँग बताउनु भयो ।

पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरेको जिल्ला प्रहरी कार्यालयका एसपी लक्ष्मीराज अधिकारीले बताउनु भयो ।

पीडितको स्वास्थ्य परीक्षण पुस २५ गते जिल्ला अस्पतालमा गरिएको छ ।


ईश्वर थापा