यौन दुर्व्यवहार घटनाका आरोपित गिरफ्तार

 

सात वर्षीया बालिकालाई यौन दुर्व्यवहार  गरेको आरोपमा प्रहरीले प्यूठान नगरपालिका– ३ का २५ वर्षीय गोविन्द्र विकलाई  जेठ २५ गते घरबाट गिरफ्तार गरेको छ ।

पीडितलाई आरोपितले जेठ २३ गते यौन दुर्व्यवहार गरेको भन्दै बालिकाका आफन्तले जेठ २४ गते इलाका प्रहरी कार्यालय बिजुवारमा उजुरी दिएका थिए ।

उजुरीका आधारमा आरोपितलाई गिरफ्तार गरी अनुसन्धान थालिएको जिल्ला प्रहरी कार्यालयका इन्सपेक्टर लालबहादुर विकले बताउनु भयो ।

बालिका खेली रहेको समयमा यौन दुर्व्यवहार गरेको पीडितका आफन्तले इन्सेक प्रतिनिधिसँगको कुराकानीमा बताउनु भयो ।

पीडितको स्वास्थ्य परीक्षण जेठ २४ गते जिल्ला अस्पताल बिजुवारमा गरिएको छ ।


रविन्द्र पाण्डे