यौन दुर्व्यवहार घटनाका आरोपितविरुद्ध उजुरी दर्ता

  ०७९ वैशाख ७ गते

१८ वर्षीया युवतीलाई यौन दुर्व्यवहार गरेको आरोपमा प्रहरीले जनक नमूना माध्यामिक विद्यालयमा कार्यरत शिक्षक गैंडाकोट नगरपालिका–५ बस्ने कपिल घिमिरेविरुद्ध वैशाख ५ गते जिल्ला प्रहरी कार्यालय नवलपरासी (बर्दघाट सुस्ता पूर्व) मा उजुरी दर्ता गरेको छ ।

पीडितलाई आरोपितले ०७८ चैत २४ गते अश्लिल भिडियो देखाइ दुर्व्यवहार गरेको भन्दै विद्यालयमा विद्यार्थी र स्थानीय अभिभावकले वैशाख ४ गते विरोध प्रर्दशन गरेपछि जिल्ला प्रहरी कार्यालय नवलपरासी पूर्वको प्रहरी टाेलीले अनुसन्धानकाे लागि आरोपितलाई सोही दिन गिरफ्तार गरेको जिल्ला प्रहरी कार्यालय नवलपरासी (बर्दघाट सुस्ता पूर्व) का एसपी प्रज्वल महर्जनले बताउनुभयो ।

आरोपितलाई गिरफ्तार गरी घटनाको अनुसन्धान गरिरहेको उहाँले बताउनुभयो ।

पीडितको स्वास्थ्य परीक्षण वैशाख ५ गते जिल्ला अस्पताल भरतपुरमा गरिएको छ ।


तिर्थराज डुम्रे