यौन दुर्व्यवहार घटनाका आरोपित गिरफ्तार

  ०७८ चैत ९ गते

११ वर्षीया बालिकालाई यौन दुर्व्यवहार गरेको आरोपमा प्रहरीले भारतको दार्जेलिङ स्थायी घर भइ नेचासल्यान गाउँपालिका–२ मा सञ्चालित सल्यान  स्टार बोर्डिङ स्कुलमा कार्यरत ३९ वर्षीय शिक्षक अमित सुब्बालाई चैत ७ गते गिरफ्तार गरेको छ ।

पीडित बालिकालाई आरोपितले चैत ६ गते यौन दुर्व्यवहार गरेको आरोपमा पीडित पक्षले आरोपितविरूद्ध चैत ७ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई सल्यान–२ स्थित डेराबाट अनुसन्धानका लागि गिरफ्तार गरेको जिल्ला प्रहरी कार्यालयका डिएसपी कवित कटवालले इन्सेक प्रतिनिधिसँगको फोन सम्पर्कमा बताउनु भयो ।

पीडित बालिकाको स्वास्थ्य परीक्षण जिल्ला अस्पताल फाप्लुमा चैत ७ गते गरिएको छ ।


भोजराज कार्की