यौन दुर्व्यवहार घटनाका आरोपितलाई १ वर्ष ६ महिना कैद सजायको फैसला

  ०७८ माघ १ गते

१५ वर्षीया बालिकालाई यौन दुर्व्यवहार गरेको कसुरमा जिल्ला अदालत पर्वतले कालिकोट जिल्ला खाँडाचक्र नगरपालिका–११ घर भइ पैयूँ गाउँपालिका–४ हुवास बस्ने २५ वर्षीय एलनबहादुर शाहीलाई १ वर्ष ६ महिना कैद सजायको फैसला सुनाएको छ ।

न्यायाधीश बलराम त्रिपाठीको पुस २९ गतेको इजलासले कसुर ठहर गर्दै आरोपितलाई पर्वत जिल्ला अदालतको ०७८ पुस २९ गतेको फैसलाले आरोपितलाई १ वर्ष ६ महिना कैद र १० हजार जरिबानाको फैसला गरेको जिल्ला अदालत पर्वतका श्रेस्तेदार रामबहादुर थापाले जानकारी दिनुभयो ।

पीडितलाई आरोपितले २०७६ फागुन १६ गते दुर्व्यवहार गरेको भन्दै पीडित पक्षले आरोपितविरुद्ध ०७६ फागुन १९ गते हुवास इलाका प्रहरी कार्यालयमा उजुरी दिएका थिए ।

प्रहरीले आरोपितलाई सोही दिन गिरफ्तार गरी उनीविरुद्ध २०७६ चैत्र १० गते बाल यौन दुरुपयोग शीर्षक अन्तरगत मुद्दा दर्ता गरेको थियो ।

जिल्ला अदालतको चैत्र ११ गतेको आदेशले आरोपितलाई १ लाख रुपियाँ धरौटीमा रिहा गर्ने आदेश दिएको थियो ।

पीडितको स्वास्थ्य परीक्षण फागुन १९ गते जिल्ला अस्पताल पर्वतमा गरिएको थियो ।


सन्तोष थापा