यौन दुर्व्यवहार घटनाका आरोपित गिरफ्तार

 

१७ वर्षीया बालिकालाई यौन दुर्व्यवहार गरेको आरोपमा प्रहरीले अनेरास्ववियू (क्रान्तिकारी) लुम्बिनी प्रदेश कमिटिका सदस्य सिस्ने गाउँपालिका–२ प्वाङका २२ वर्षीय तिलकराज रसाइलीलाई पुस १६ गते रिफ्तार गरेको छ ।

पीडित बालिकालाई आरोपितले पुस १४ गते हातपात गर्दै यौन दुर्व्यवहार गरेको आरोपमा पीडित पक्षले पुस १६ गते जिल्ला प्रहरी कार्यालय रुकुम (पुर्व) मा उजुरी दिएको छ ।

पीडित बालिकाले प्रतिकार गरेपछि आरोपित रसाइलीले बालिकामाथि हातपात गरेको र त्यसबाट बालिका समान्य घाइते समेत भएको जिल्ला प्रहरी कार्यालयका इन्स्पेक्टर मानबहादुर बिसीले जानकारी दिनु भयो ।
पीडित बालिकाको स्वास्थ्य परीक्षण र उपचार पुस १६ गते रुकुमकोट अस्पतालमा भएको स्वास्थ्य सेवा कार्यालय रुकुम पूर्वका डाक्टर क्षितिज नेपालीले जानकारी दिनु भयो ।


मनिषा केसी