यौन दुर्व्यवहार घटनाका आरोपित गिरफ्तार

  ०७८ पुस ११ गते

१६ र १७ वर्षीया बालिकालाई यौन दुर्व्यवहार गरेको आरोपमा सप्तरी प्रहरीले शम्भुनाथ नगरपालिका–११ लहरनियाका २५ वर्षीय परमेश्वर चौधरी, २२ वर्षीय देवा चौधरी र २० वर्षीय रामविलाश चौधरीलाई पुस ९ गते गिरफ्तार गरेको छ ।

आरोपितहरू विरूद्ध पीडितहरूका मामा र बुबाले इलाका प्रहरी कार्यालय कल्याणपुरमा ०७८ भदौ ९ गते संयुक्त उजुरी दिएका थिए ।

पीडितहरूका अनुसार शम्भुनाथ नगरपालिका–११ लहरनियास्थित पूर्व–पश्चिम डगर बाटोमा रहेको पोखरीदेखि उत्तरको आँप बगैचामा भदौ ६ गते राति आरोपितहरूले यौन दुर्व्यवहार गरेका थिए ।

शम्भुनाथ नगरपालिका–१२ अर्नाहामा लागेको कृष्ण झुलाको मेला र सांस्कृतिक कार्यक्रम हेरेर घर फर्किरहेका बालिकाहरूलाई डोरीको पासो लगाई आरोपितहरूले मुख थुनेर यौन दुर्व्यवहार गरेको पीडितहरुले आरोप छ ।

आरोपितहरूविरुद्ध भदौ ९ गते उजुरी दर्ता भएको इलाका प्रहरी कार्यालय कल्याणपुरका इन्स्पेक्टर उमाशङ्करप्रसाद साहले बताउनु भयो ।
पीडितहरूको स्वास्थ्य परीक्षण राजविराजस्थित गजेन्द्रनारायण सिंह अस्पतालमा ०७८ भदौ ९ गते गरिएको थियो ।


मनोहरकुमार पोखरेल