यौन दुर्व्यवहार घटनाका आरोपित विरूद्ध उजुरी

  ०७८ वैशाख ४ गते

१६ वर्षीया बालिकालाई यौन दुर्व्यवहार गरेको आरोपमा पीडितपक्षले सल्यान जिल्ला बागचौर नपा–२ का २८ वर्षीय किरण खड्का विरूद्ध वैशाख २ गते इलाका प्रहरी कार्यालय, तुलसीपुरमा उजुरी दर्ता गरेका छन् ।

पीडितलाई आरोपितले चैत ३१ गते यौन दुर्व्यवहार गरेको भन्दै उजुरी दिएको इलाका प्रहरी कार्यालय तुलसीपुर डिएसपी शिवबहादुर सिंहले बताउनु भयो । आरोपित फरार रहेको र खोजी भइरहेको डिएसपी सिंहले बताउनु भयो ।

पीडितको स्वास्थ्य परीक्षण वैशाख २ गते राप्ती प्रादेशिक अस्पताल, तुलसीपुरमा गरिएको छ ।

यसैगरी, ३४ वर्षीया महिलालाई यौन दुर्व्यवहार गरेको भन्दै तुलसीपुर उपमनपा–५ का २८ वर्षीय यमकान्त भुसाल विरूद्ध पीडितपक्षले वैशाख ३ गते इलाका प्रहरी कार्यालय, तुलसीपुरमा उजुरी दिएका छन् । पीडितले आरोपितलाई चैत ३१ गते यौन दुर्व्यवहार गरेको भन्दै उजुरी आएको र  आरोपितको खोजी भइरहेको डिएसपी शिवबहादुर सिंहले बताउनु भयो ।

पीडितको स्वास्थ्य परीक्षण वैशाख ३ गते राप्ती प्रादेशिक अस्पताल, तुलसीपुरमा गरिएको छ ।


जयनारायण पुन