यौन दुर्व्यवहार घटनाका आरोपितविरूद्ध उजुरी

  ०७६ मङ्सिर १२ गते

१३ वर्षीया बालिकालाई अन्दाजी २० वर्षीय अपरिचित व्यक्तिले यौन दुर्व्यवहार गरेको आरोपमा पीडित पक्षले मङ्सिर १० गतेका जिल्ला प्रहरी कार्यालयमा उजुरी दिएको छ ।
मङ्सिर ७ गते दिउँसो बालिका भैँसी चराउन गएको बेला आरोपितले यौन दुर्व्यवहार गरेको पीडित पक्षको आरोप छ ।

पीडित बालिका हारगुहार गर्दै कराएपछि स्थानीय घटनास्थलमा पुग्दा आरोपित फरार भएको पीडितकी आमाले बताउनु भयो ।

पीडित बालिकाकी आमाले बालिकाले भने अनुसार आरोपितको हुलिया उल्लेखित गरेर प्रहरी कार्यालयमा उजुरी दिएको प्रहरीले जनाएको छ ।

पीडित बालिकाको स्वास्थ्य परीक्षण मङ्सिर १० गते सर्लाही जिल्ला अस्पताल मलङ्वामा गरिएको र घटनाको अनुसन्धान भइरहेको जिल्ला प्रहरी कार्यालयका डिएसपी प्रतितसिंह राठोरले जानकारी दिनु भयो ।


बुधन साह