यौन दुर्व्यवहार घटनाका आरोपित गिरफ्तार

 

१७ वर्षीया बालिकालाई यौन दुर्व्यवहार गरेको आरोपमा प्रहरीले नेत्रावती डबजोङ गाउँपालिका–२ का २० वर्षीय सगुन गुरुङलाई सााउन ३० गते गिरफ्तार गरेको छ ।

 

बोलाइसम्बन्धी अपाङ्गता भएकी पीडित बालिकालाई आरोपितले ०७५ फागुनको दोश्रो हप्तातिर यौन दुर्व्यवहार गरेको र बालिका बोल्न नसक्ने भएको कारण घटनाबारे तत्काल जानकारी हुन नसकेको भन्दै पीडित पक्षले आरोपितविरूद्ध जिल्ला प्रहरी कार्यालयमा साउन ३० गते उजुरी दिएको उक्त कार्यालयका डिएसपी रुपक खड्काले बताए ।

 

पीडित पक्षको उजुरीका आधारमा आरोपितलाई सोही दिन गिरफ्तार गरी घटनाबारे अनुसन्धान भइरहेको डिएसपी खड्काले बताए ।

 

पीडित बालिकाको स्वास्थ्य परीक्षण साउन ३० गते जिल्ला अस्पताल धादिङमा गरिएको प्रहरीले जनायो ।


सीताराम अधिकारी