समाचारहरू

१८ वर्षीया युवतीलाई यौन दुर्व्यवहार गरेको आरोपमा प्रहरीले ४५ वर्षीय बाबुलाई जेठ २७ गते गिरफ्तार गरेको छ ।

पीडित युवतीलाई आरोपितले लामो समयदेखि यौन दुर्व्यवहार गर्दै आएको र पछिल्लो पटक जेठ १९ गते यौन दुर्व्यवहार गरेको भन्दै पीडित पक्षको उजुरी आएपछि अनुसन्धानका लागि आरोपितलाई गिरफ्तार गरिएको महानगरीय प्रहरी परिसर ललितपुरका डिएसपी नारायणप्रसाद चिमोरियाले बताए ।

पीडित युवतीले बाबुविरूद्ध जेठ २७ गते महानगरीय प्रहरी परिसर जावलाखेलमा उजुरी दिएपछि सोही दिन दिउँसो गिरफ्तार गरी अनुसन्धान थालिएको महानगरीय प्रहरी परिसर ललितपुरका प्रमुख एसएसपी रवीन्द्र बहादुर धानुकले जानकारी दिए ।

पीडित युवतीको स्वास्थ्य परीक्षण जेठ २७ गते नै पाटन अस्पतालमा गरिएको अस्पतालले जनाएको छ ।

दीपकप्रसाद घिमिरे