समाचारहरू

१२ वर्षीया बालिकालाई यौन दुर्व्यवहार गरेको आरोपमा प्रहरीले १६ वर्षीय बालकलाई भदौ ६ गते गिरफ्तार गरेको छ ।

पीडित बालिकालाई आरोपितले यौन दुर्व्यवहार गरेको भन्दै पीडितका अभिभावकले इलाका प्रहरी कार्यालय कडरबोनामा भदौ ५ गते उजुरी दिएपछि अराोपितलाई गिरफ्तार गरी उजुरी दर्ता गरिएको प्रहरीले जनाएको छ ।

छिमेकीको घरको ट्युवेलमा भदौ ४ गते राति साढे सात बजे पानी लिन गएकी बालिकालाई आरोपितले नियन्त्रणमा लिई हातपात गरी यौन दुर्व्यवहार गरेको पीडितले बताइन् ।

पीडित बालिकाको स्वास्थ्य परीक्षण लहान नपा–३ स्थित रामकुमार उमाप्रसाद शारदा स्मारक अस्पतालमा भदौ ५ गते गरिएको छ ।

मनोहरकुमार पोखरेल