यौन दुर्व्यवहार घटनाका आरोपित गिरफ्तार

 

१४ वर्षीया बालिकालाई यौन दुर्व्यवहार गरेको आरोपमा जुम्ला जिल्ला तिला गाउँपालिका-९ का जडिबुटी व्यवसायी २५ वर्षीय विर्खबहादुर थापालाई प्रहरीले चैत २५ गते गिरफ्तार गरेको छ ।

पीडित बालिकालाई आरोपितले चैत १ गते यौन दुर्व्यवहार गरेको भन्दै बालिकाका आफन्तले जिल्ला प्रहरी कार्यालय जाजरकोटमा चैत २२ गते उजुरी दिएका थिए ।

पीडित पक्षको उजुरीका आधारमा आरोपितलाई अनुसन्धनका लागि चैत २५ गते कुशे गाउँपालिकाको ढिमेबाट गिरफ्तार गरिएको जिल्ला प्रहरी कार्यालयका डिएसपी भावेश रिमालले जानकारी दिए ।

पीडित बालिकाको स्वास्थ्य परीक्षण चैत २२ गते जिल्ला अस्पताल जाजरकोटमा गरिएको छ ।

पीडित पक्षले घटनापछि तत्काल पाँचकटिया प्रहरी कार्यालयमा निवेदन दिएकोमा उक्त कार्यालयबाट सुनुवाइ नगरेको र ढिलासुस्ती गरेपछि पीडित पक्ष जिल्ला प्रहरी कार्यालय खलङ्गामा पुगेर उजुरी दिएको जनाएको छ ।


दिनेशकुमार श्रेष्ठ