समाचारहरू

१६ वर्षीया बालिकालाई यौन दुर्व्यवहार गरेको कसुरमा नवलपरासी (बर्दघाट सुस्ता पूर्व) जिल्ला अदालतले दाङ जिल्ला घोराही उपमहानगरपालिका–२ घर भइ काठमाडौँ बस्ने ३२ वर्षीय पल शाह भनिने पुर्णविक्रम शाहलाई २ वर्ष ६ महिना कैद सजायको फैसला सुनाएको छ ।

न्यायाधीश यज्ञप्रसाद आचार्यको भदौ २१ गतेको इजलासले शाहलाई २ वर्ष ६ महिना कैद सजाय र १० लाख रुपियाँ क्षतिपुर्तिको फैसला सुनाएको हो ।

पीडित बालिकाले शाहविरुद्ध दिएको बलात्कारको आरोपमा भने अदालतले शाहलाई सफाई दिएको छ ।

०७७ चैत ७ गते गैँडाकोटस्थित एक रिसोर्टमा शाहले बालिकालाई बलात्कार गरेको भन्दै शाहविरुद्ध ०७८ फागुन १५ गते इलाका प्रहरी कार्यालय गैँडाकोट, नवलपरासी (बर्दघाट सुस्ता पूर्व) मा पीडित बालिकाले उजुरी दिएकी थिइन् ।

तिर्थराज डुम्रे