यौन दुर्व्यवहार गरेको कसुरमा १ वर्ष कैदको फैसला

 

१० वर्षीया बालिकालाई यौन दुर्व्यवहार गरेको ठहर गर्दै जिल्ला अदालत बागलुङले काठेखोला गाउँपालिका–१ पालाका ३५ वर्षीय बलबहादुर रानालाई १ वर्ष कैद सजाय र १० हजार रुपियाँ क्षतिपुर्तिको फैसला गरेको छ ।

न्यायाधीश प्रकाशप्रसाद पण्डितको जेठ २१ गतेको इजलासले सो फैसला गरेको जिल्ला अदालतले जनाएको छ ।

पीडित बालिकालाई आरोपितले ०७५ माघ २३ गते यौन दुर्व्यवहार गरेको भन्दै पीडित पक्षले माघ २५ गते जिल्ला प्रहरी कार्यालय, बागलुङमा उजुरी दिएको थियो ।

पीडित पक्षको उजुरीपछि प्रहरीले आरोपित बलबहादुरलाई सोही दिन घरबाटै गिरफ्तार गरेको थियो । पीडित बालिकाको स्वास्थ्य परीक्षण माघ २५ गते धौलागिरी अञ्चल अस्पताल, बागलुङमा गरिएको थियो ।


सिर्जना पन्त