समाचारहरू

अपाङ्गता भएकी १५ वर्षीया बालिकालाई यौन दुर्व्यवहार गरेको कसुरमा जलजला गाउँपालिका-७ धाइरिङका २८ वर्षीय बाबुराम परियारलाई जिल्ला अदालतले तीन वर्षकैद सजायको फैसला गरेको छ ।

न्यायाधीश ध्रुबप्रसाद सापकोटाको असार २५ गतेको इजलासले आरोपितलाई तीन वर्षकैदको सजाय सुनाएको श्रेस्तेदार दयाराम पोख्रेलले जानकारी दिए ।

पीडित बालिकालाई परियारले गत जेठ २० गते यौन दुर्व्यवहार गरेको पीडित बालिकाकी आमाले देखेपछि बालिकाको उद्धार गरेर प्रहरीमा खबर गरेकी थिइन् । आरोपित परियारलाई प्रहरीले जेठ २० गते नै गिरफ्तार गरेको थियो । पीडित बालिकाको स्वास्थ्य परीक्षण जेठ २० गते जिल्ला स्वास्थ्य कार्यालयमा गरिएको थियो ।

सन्तोष थापा