यौन दुर्व्यवहार गरेको कसुरमा तीन महिना कैद सजायको फैसला

  ०८१ पुस ३ गते

नौ वर्षीया बालिकालाई यौन दुर्व्यवहार गरेको कसुरमा जिल्ला अदालतले बाँसगढी नगरपालिका–५ का १९ वर्षीय अरुण कवरलाई ०८१ पुस २ गते तीन महिना कैद सजायको फैसला गरेको छ ।

जिल्ला अदालतका न्यायाधीश डल्लुराम चौधरीको ०८१ पुस २ गतेको इजालसले कसुर ठहर गर्दै ३ महिना कैद सजाय, पीडितलाई ५ हजार रुपियाँ जरिबाना र १० हजार रुपियाँ क्षतिपूर्ति भराउने फैसला गरेको जिल्ला अदालतका शाखा अधिकृत एवम् सूचना अधिकारी अमृता केसीले जानकारी दिनुभयो ।

बालिकालाई ०८१ भदौ १२ गते बलात्कार गरेको भन्दै पीडित पक्षले भदौ १४ गते इलाका प्रहरी कार्यालय, मोतिपुरमा उजुरी दिएको थियो । कवरलाई प्रहरीले भदौ १४ गते गिरफ्तार गरेको थियो । पीडितको स्वास्थ्य परीक्षण भदौ १४ गते बर्दिया अस्पताल, गुलरियामा भएको थियो ।


प्रकाश पौडेल