समाचारहरू

नौ वर्षीया बालिकालाई बाल यौन दुर्व्यवहार गरेको कसुरमा जिल्ला अदालतले मङ्सिर २३ गते धुनीबेसी नगरपालिका–७ का ७८ वर्षीय ज्येष्ठ नागरिकलाई एक वर्ष कैद गर्ने फैसला गरेको छ ।

न्यायाधीस गोपालप्रसाद बास्तोलाको इजलासले कसुरदारलाई एक वर्ष कैद, २० हजार रुपियाँ जरिबाना र ५० हजार रुपियाँ पीडितलाई क्षतिपूर्ति दिनुपर्ने फैसला गर्नुभएको जिल्ला अदालतका सूचना अधिकारी ध्रुब सुवेदीले जानकारी दिनु भयो ।

पीडितलाई कसुरदारले ०८१ कात्तिक ४ गते यौन दुर्व्यवहार गरेको आरोपमा कसुरदारविरुद्ध पीडित पक्षले कात्तिक ४ गते जिल्ला प्रहरी कार्यालयमा उजुरी दिएको थियो । पीडित बालिकाको स्वास्थ्य परीक्षण धादिङ अस्पतालमा कात्तिक ५ गते गरिएको छ ।

सीताराम अधिकारी