समाचारहरू

१२ वर्षीया बालिकालाई यौन दुर्व्यवहार गरेको कसुरमा जिल्ला अदालतले घोराही उपमहानगरपालिका-६ का १९ वर्षीय सुदन गिरीलाई दुई वर्ष कैद सजायको फैसला गरेको छ ।

न्यायाधीश तेजनारायण पौडेलको ०८१ जेठ ३२ गतेको इजलासले कसुर ठहर गर्दै दुई वर्ष कैद सजाय, २० हजार रुपियाँ जरिबाना, ४० हजार रुपियाँ पीडितलाई क्षतिपूर्ति उपलब्ध गराउने र ४ हजार रुपियाँ पीडित राहत कोषमा जम्मा गर्ने फैसला गरेको जिल्ला अदालतका श्रेस्तेदार दामोदर घिमिरेले जानकारी दिनुभयो ।

पीडित बालिकालाई आरोपितले ०७९ माघ ९ गते यौन दुर्व्यवहार गरेको भन्दै पीडित पक्षले गिरी विरुद्ध माघ १३ गते जिल्ला प्रहरी कार्यालयमा उजुरी दिएको थियो । पीडितको स्वास्थ्य परीक्षण माघ १४ गते राप्ती स्वास्थ्य विज्ञान प्रतिष्ठान, घोराहीमा भएको थियो । गिरी माघ १६ गते गिरफ्तार भएका थिए ।

जयनारायण पुन