समाचारहरू

चार वर्षीया बालिकालाई यौन दुर्व्यवहार गरेको कसुरमा जिल्ला अदालतका न्यायाधीश ऋषिराम निरौलाको इजलासले ०८० साउन १९ गते मकवानपुरगढी गाउँपालिका-१, रानिशेराका ३९ वर्षीय मान बहादुर घलानलाई ४३ दिन कैद सजाय हुने फैसला सुनाएको छ ।

पीडितलाई १० हजार रुपियाँ क्षतिपुर्ति भराउने समेत फैसला भएको अदालतका श्रेष्तेदार लेखनाथ पौडेलले जानकारी दिनुभयो ।

पीडित बालिकालाई ०७९ चैत २९ गते यौन दुर्व्यवहार गरेको भन्दै घलानविरूद्ध पीडित पक्षले चैत ३० गते जिल्ला प्रहरी कार्यालयमा उजुरी दिएको थियो । पीडित बालिकाको स्वास्थ्य परीक्षण चैत ३० गते हेटौँडा अस्पतालमा भयो । आरोपित सोही दिन गिरफ्तार भएका थिए ।

प्रहरीले आरोपितलाई गिरफ्तार गरी ०८० वैशाख २१ गते जिल्ला अदालतमा बालयौन दुरुपयोग कसुरमा मुद्दा दर्ता गरेको थियो ।

पुष्पराज अधिकारी