समाचारहरू

१३ वर्षीया बालिकालाई यौन दुर्व्यवहार गरेको कसुरमा जिल्ला अदालत चितवनका न्यायाधीश रितेन्द्र थापाको इजलासले ०७९ चैत ८ गते कालिका नगरपालिका-१ बस्ने ३३ वर्षीया धनकुमारी चौधरीलाई तीन महिना कैद सजाय हुने फैसला सुनाएको चितवन अदालतका श्रेष्तेदार ईश्वर आचार्यले बताउनु भयो ।

०७९ असोज २ गते बाल यौन दुरुपयोग गरेको भनी पीडितको बुबाले असोज ४ गते इलाका प्रहरी कार्यालय रत्ननगर टाँडीमा उजुरी दिनुभएको थियो । चौधरी असोज ४ गते गिरफ्तार भएकी हुन् ।

बालिकाको स्वास्थ्य परीक्षण असोज ४ गते भरतपुर अस्पतालमा भयो ।

चितवन अदालतमा असोज २७ गते मुद्दा दर्ता भएकोमा असोज २८ गते चौधरी ५० हजार रुपैयाँ धरौटीमा रिहा भएकी थिइन् ।

दिपेन्द्र अधिकारी