समाचारहरू

६ वर्षीया बालिकालाई यौन दुर्व्यवहार गरेको कसुरमा जिल्ला अदालतले लिखु गाउँपालिका–४ का ६० वर्षीय कृष्ण पण्डितलाई १२ वर्ष ६ महिना कैद सजायको फैसला सुनाएको छ ।

जिल्ला न्यायाधीश उमेशप्रसाद लुँइटेलको पुस ६ गते इजलासले उक्त फैसला सुनाएको हो ।

कैद सजायसँगै पीडित बालिकालाई २५ हजार रुपियाँ क्षतिपूर्ति भराउने पनि फैसला भएको अदालतका श्रेस्तेदार इन्द्रकुमार खड्काले बताउनु भयो ।

पीडितलाई ०७७ वैशाख ५ गते यौन दुर्व्यवहार गरेको आरोपमा पण्डितविरुद्ध पीडित पक्षले वैशाख ७ गते जिल्ला प्रहरी कार्यालयमा उजुरी दर्ता भएको थियो ।

पीडितको स्वास्थ्य परीक्षण वैशाख ७ गते त्रिशूली अस्पतालमा गरिएको थियो । जिल्ला अदालतले आरोपितलाई ०७७ वैशाख ३० गते भएको थुनछेकको बहसपछि पुर्पक्षको लागि थुनामा राख्न आदेश दिएको थियो ।

नवदीप श्रेष्ठ