यौन दुर्व्यवहार कसुरमा तीन महिना कैदको फैसला

  ०७८ मङ्सिर २४ गते

१६ वर्षीया बालिकालाई यौन दुर्व्यवहार गरेको कसुरमा जिल्ला अदालतले शान्तिनगर गाउँपालिका–५ का ३२ वर्षीय लालबहादुर बिकलाई तीन महिना कैदको फैसला गरेको छ ।

जिल्ला न्यायाधीश रितेन्द्र थापाको इजलासले मङ्सिर २३ गते दोषी ठहर गर्दै तीन महिना कैद, पीडितलाई १० हजार रुपियाँ क्षतिपूर्ति भराउने र १ हजार रुपियाँ जरिबाना गर्ने फैसला गरेको श्रेस्तेदार हिरण्यप्रसाद भण्डारीले जानकारी दिनुभयो ।

पीडितलाई आरोपितले ०७७ असार २९ गते यौन दुर्व्यवहार गरेको भन्दै पीडित पक्षले इलाका प्रहरी कार्यालय, तुलसीपुरमा असार ३० गते उजुरी दिएका थिए ।

पीडितको स्वास्थ्य परीक्षण ०७७ असार ३० गते राप्ती प्रादेशिक अस्पताल तुलसीपुरमा गरिएको थियो ।

16 days campaignNepali


जयनारायण पुन