समाचारहरू

७ वर्षीया बालिकालाई बाल यौन दुर्व्यवहार गरेको कसुरमा धादिङ जिल्ला कटुन्जेका ४२ वर्षीय रेशम परियार भन्ने रेशमबहादुर दर्जीलाई नुवाकोट जिल्ला अदालतले तीन महिना कैद सजायको फैसला सुनाएको छ ।

जिल्ला अदालतका न्यायाधीश शुभाषबाबु पुरीको इजलासले असार २६ गते दर्जीलाई तीन महिना कैद सजाय, ७ हजार रुपैयाँ जरिवाना, ३० हजार रुपैयाँ क्षतिपूर्ति र २ सय ८० रुपैयाँ पीडित राहत कोषमा दाखिला गराउन फैसला गरेको जिल्ला अदालतकी श्रेस्तेदार खेमकुमारी बस्नेतले जानकारी दिनुभयो ।

कसुरदारले म्यागङ गाउँपालिका–५ सामरीमा बालिकालाई ०८० फागुन २ गते बाल यौन दुरुपयोग गरेको भन्दै जिल्ला प्रहरी कार्यालयमा फागुन १४ गते पीडित पक्षले उजुरी दिएको थियो ।

बालिकाको स्वास्थ्य परीक्षण त्रिशूली अस्पतालमा फागुन १४ गते नै भएको थियो । कसुरदालाई जिल्ला अदालतले ०८० चैत १४ गते ५० हजार रुपैयाँ धरौटीमा रिहा गर्न आदेश दिएको थियो ।

नवदीप श्रेष्ठ