यौन दुर्व्यवहारपछि हत्या घटनाका आरोपित गिरफ्तार

 

ढिकुरपोखरी-१ गैरीस्वाराकी १० वर्षीया कञ्चन विकलाई यौन दुर्व्यवहारपछि हत्या गरेको आरोपमा ढिकुरपोखरी-१ का २० वर्षीय इश्वर विक र बाग्लुङ जिल्ला पालाकोट-४ का ४० वर्षीय झलक कुँवरलाई असोज २३ गते कास्की प्रहरीले गिरफ्तार गरेको छ ।

पीडित बालिकालाई असोज २३ गते यौन दुर्व्यवहारपछि हत्या गरेको आरोपमा अभिभावकले असोज २३ गते नै प्रहरीमा उजुरी दिएका थिए ।

'कञ्चनलाई बलात्कार प्रयास गर्दा रोइकराइ चिच्याएपछि आरोपितहरूले हत्या गरेका हुन् । नीजहरूलाई हदैसम्म कारबाही गरियोस् ।'-उजुरीमा उल्लेख छ ।

सोही उजुरीका आधारमा आरोपितहरूलाई अनुसन्धानका लागि गिरफ्तार गरिएको नागडाडा प्रहरी चौकीका इन्स्पेक्टर रामशरण खत्रीले जानकारी दिए ।

पीडित बालिकाको शवको पोष्टमार्टम पश्मिाञ्चल क्षेत्रीय अस्पताल पोखरामा गरिएको पनि प्रहरीले जनाएको छ ।


विष्णुप्रसाद अधिकारी