यौन दुर्व्यवहार घटनाका आरोपित गिरफ्तार

 

पाँच वर्षीया बालिकालाई यौन दुर्व्यवहार गरेको आरोपमा प्रहरीले १५ वर्षीय बालकलाई जेठ १३ गते गिरफ्तार गरेको प्रहरीले जनाएको छ ।

पीडित बालिकालाई आरोपितले जेठ १२ गते बलात्कार गरेको भन्दै पीडित पक्षले जेठ १३ गते इलाका प्रहरी कार्यालय बेलाटारीमा उजुरी दिएको सई शङ्कर श्रेष्ठले बताए ।

पीडित बालिकाको स्वास्थ्य परीक्षण जेठ १२ गते जिल्ला अस्पतालमा भएको प्रहरीले जनायो ।

यसैगरी १५ वर्षीया बालिकालाई बलात्कार गरेको आरोपमा प्रहरीले पाल्हीनन्दन गाउँपालिका-४ का २१ वर्षीय अमन साहनीलाई जेठ १२ गते गिरफ्तार गरेको प्रहरीले जनाएको छ ।

आरोपितले जेठ ११ गते बलात्कार गरेको भन्दै पीडित पक्षले जेठ १२ गते जिल्ला प्रहरी कार्यालयमा उजुरी दिएका थिए । पीडित बालिकाको स्वास्थ्य परीक्षण जेठ १२ गते जिल्ला अस्पतालमा गरिएको थियो ।


नारायण पराजुली