मौसमी फुलुका बिरामीको सङ्ख्यामा वृद्धि भएपछि उपचारमा समस्या

मौसम परिवर्तन भएसँगै  जिल्ला अस्पतालमा साउन ७ गतेदेखि मौषमी फुलुका बिरामीको सङ्ख्यामा वृद्धि भएपछि उपचारमा समस्या भएको जिल्ला अस्पतालकी सिनियर अनमी एवम् निमित्त कार्यालय प्रमुख सरिता बोहराले जानकारी दिनु भयो ।

उहाँका अनुसार ‘ अस्पतालमा सामान्यदेखि जटिल खाले बिरामी भर्ना हुनुका साथै सामान्य चेकजाँच गर्नेको सङ्ख्या बढ्दै गएको छ । पछिल्लो एक हप्ता यता जिल्ला अस्पतालमा बहिरंग सेवा कक्षमा दैनिक दिन १  सय ५० भन्दा बढी बिरामी स्वास्थ्य परीक्षणको लागि आउने गरेका छन ।’

१५ सैयाको जिल्ला अस्पतालमा २२ जना भन्दा बढि इमरजेन्सी वार्डमा भर्ना गर्नु पर्दा थप समस्या भएको छ । बिरामीको सङ्ख्या बढ्दै गएपछि अन्य कोठामा लगेर भए पनि उपचार गर्नु परेको उहाँको गुनासोे छ । जसमा दैनिक उच्च ज्वरो आउने, रुघाखोकीे लाग्ने, टाउको, मांसपेशीे, जोर्नी, घांटी, पेट दुख्ने र बान्ता हुने जस्ता लक्षणका बिरामी आउने गरेको बोहराले जानकारी दिनुभयो ।

कतिपय बिरामीले चिकित्सकको सल्लाह बिनै एन्टिबायोटिक औषधि सेवन गरेको समेत पाइएको छ ।  भाइरलको संक्रमण हुनासाथ एन्टिबायोटिक औषधिको सेवन गर्नु उपयुक्त नहुने ,फुलुुको संक्रमण भएका बिरामीले आराम गर्ने, झोलिलो र पोसिलो खानेकुराहरू खाने र संक्रमण बढे तुरुन्तै स्वास्थ्य संस्थामा जान समेत उहाँले आग्रह गर्नु भयो ।


नन्द सिंह